Monday, February 10, 2014

ப்ளைன் பிரியாணி

என் பெரிய  மகனுக்கு வாரந்தோறும் வெள்ளிக்கிழமை அல்லது ஞாயிறுகிழமைகளில் அவசியம் பிரியாணி வேண்டும்.அது எந்த வகை பிரியாணி ஆனாலும் சரியே.ஒரு வாரம் ஏதேனும் காரணத்தினால் மிஸ் ஆனாலும் அவ்வளவுதான் பயங்கர அப்சட் ஆகிவிடுவான்.அதனாலேயே வெள்ளிக்கிழமைகளில் சிக்கன் அல்லது இது போன்ற ப்ளைன் பிரியாணி செய்து ஸ்கூலுக்கு தந்து விடுவேன்.விரும்பி சாப்பிட்டுவிட்டு வருவான்.
அதனை என் இல்லத்தில் பதிவிடுகிறேன்.

                                                  

தேவையான பொருட்கள்
**************************
பாஸ்மதி அரிசி -  1 டம்ளர்
வெங்காயம்      -   1
தக்காளி.            -   பெரியதாக 1
பச்சைமிளகாய் -   1
தயிர்.      -  2 மேசைக்கரண்டி
மிளகாய்த்தூள்.  -  1தேக்கரண்டி
மஞ்சள் தூள்.      -   1/4 தேக்கரண்டி
கரம்மசாலாத்தூள் -  1மேசைக்கரண்டி
மல்லி,புதினா இலைகள் - ஒரு கையளவு

தாளிப்பதற்கு
**************
எண்ணெய்     -  3 மேசைக்கரண்டி
நெய்                  -   1 தேக்கரண்டி
பட்டை             -    1 இன்ச் அளவு
ஏலக்காய்        -    1
கிராம்பு              -    2
பிரிஞ்சி இலை -   பாதி
விரும்பினால் அன்னாசி பூவில் ஒரு இதழ்

செய்முறை
************
அரசியை நன்கு  கழுவி விட்டு தண்ணீர் வடித்து வைத்துக் கொள்ளவும்.
வெங்காயம் தக்காளியை அரிந்து வைத்துக் கொள்ளவும்.
குக்கரை அடுப்பில் வைத்து எண்ணெய் மற்றும் நெய் ஊற்றி சூடு வந்ததும்,இதர தாளிப்பு சாமான்களை சேர்த்து பொரிந்ததும்,அறிந்த வெங்காயத்தை சேர்த்து வதக்கவும்.
பாதி வதங்கியதும் இஞ்சி,பூண்டு அரவையை சேர்த்து வாசம் வரும் வரை வதக்கவும்.
பின்பு தக்காளி பச்சைமிளகாயை சேர்த்து வதக்கவும்.
தக்காளி மசிய வதங்கியதும்,மிளகாய்,மஞ்சள்,கரம்மசாலாக்களை சேர்த்து வதக்கி அத்தோடு தயிரையும்,மல்லி புதினா தழைகளையும் சேர்த்து ஒன்று சீர பிரட்டி குறைந்த தீயில் 5 நிமிடம் வைத்து விடவும்.பச்சை வாசனை போய் எண்ணெய் மினுமினுக்க இருக்கும் போது ஒன்றரை டம்ளர் தண்ணீர் ஊற்றி தேவையான அளவு உப்பு சேர்க்கவும்.
தண்ணீர் கொதிக்க ஆரம்பிக்கும்போது அரிசியை சேர்த்து கிளறி விடவும்.
நன்கு தளதளவென்று கொதிக்கும் போது ஒரு முறை கிளறிவிட்டு குக்கரை மூடி விடவும்.
ஸ்டீம்  வந்ததும்,வெய்ட் போட்டு அடுப்பை குறைந்த தீயில் வைத்து 7 நிமிடம் கழித்து இறக்கவும்.
 ஸ்டீம் விட்டதும் திறந்து ஒரு முறை கிளறி விட்டு வைத்து விடவும்.
பிரியாணி வாசத்தோடு அருமையான சாதம் ரெடி......
வெஜ் விரும்பிகள் இத்துடன் காலிஃப்ளவர் மஞ்சூரியன் ,வெஜிடபுள் மஞ்சூரியன் சேர்த்து செய்து சாப்பிட நன்றாக இருக்கும்.
நான் வெஜ் விரும்பிகள் அவித்த முட்டை,முட்டை மசாலா,சிக்கன் ஃப்ரை,சிக்கன் க்ரேவி செய்து சாப்பிடலாம்.





1 comment:

hameed fathima said...

அஸ்ஸலாமு அலைக்கும் வரஹ்.....

Admin Control Panel

New Post | Settings | Design | Edit HTML | Moderate Comments | Sign Out